توقعات اليوم الخميس 12 مارس 2020
برج الحمل
مهنياً: بتشغلك امور مهنية او شراكة وضهر مال ..
عم تعاني ضغوط بنهارك وعم تتحمل مسؤوليات لحالك وفوق طاقتك وعم تزعجك بعض تصرفات وقلة الاهتمام وبلاخص من الشريك سواء عاطفي او مهني
عم تكون متردد بالقرارات وعصبي وصوتك طالع وممكن مهام جديدة وشغل .. ضهر انت افضل تحسن تدريجي وبتنجح بشغلك او لتسدد بعض المستلزمات وديون وبتحصل على مال من شراكة او ميراث او زيادة مدخولك بشغلك ..
عاطفياً: نتبهلي على وضعك بنهار لان في شوية حذر وممكن سوء تفاهم والوضع بدو تركز منيح في طروحات وممكن بعض الامور تكبر هدي و بنصحك تنتبه منيح بنهارك بس لبعد ضهر .. في اتصالات وفي لقاء والاجواء بتكون المسا افضل وحلول وتفاهمات ومصالحات ..
صحياً: وعكة صحية خفيفة نتبه لنفسك وبتعد عن ضغوط والأجواء سلبية.
غنيتك اليوم:احبك…حسين الجسمي
برج الثور
مهنياً: شغل وشراكة وصحة بيومك .. حاول تستغل لامور بنهارك ولا تأجل شي لمستجدات بتكون لصالحك وقصة حدا من اهلك عم تشغلك صحتو وعم ياخد وقت منك نظم امورك ولا تكون خمولي بلاخص بعد ضهر وقصص شراكة رح تشغلك او بعض شراكات ممكن تبتعد عنا بلاخص الي مارح تجيب نتيجة لان بتحس بعض ناس عم تستغلك وناطرتك على غلط والبعض عندو فرصة ليفوت بشراكة مالية او مهنية .
عاطفياً: عم تعاني قلة اهتمام وعدم فهم الامور وشريك عم يسبب مشاكل او بتحس عم يتقصد هاشي وعلى ابسط الأمور ممكن تصير مشكلة والوضع في حساسية وامر طارئ روق حتى ماتنهي علاقتك .. البعض بتم شراكة عاطفية وارتباط وقصص خطبة ..
صحياً: نتبه لصحتك بهيك يوم متقلب ولا تيأس انت محتاج للأنتباه على وضعك وتكون قد المسؤولية
غنيتك اليوم: شتقتلك موت وعم احلم..عمار ديك
برج الجوزاء
مهنياً: طاقة وحظ بنهارك و ضهر نتبه على صحتك.
خلص شغلك وامورك المالية بنهارك ولا تأجل شي لحظ بكون معك وبتتخلص من كذا قصة شغليتك حتى بشغلك اذا كان في مشاكل .. في صرف مالي وفرصة لتقبض يومك بحاجة ترتيب وتنظيم والضهر تراكم اعمال وقصة بتخص شغلك او ضمن بيتك في لقاء وممكن تبني عليه امال حاول طالب بحقوقك وبعض القصص العقارية عند البعض ..
عاطفياً: تحسن عاطفي صدفة ولقاء وشخص جديد ..
تبادل للمشاعر وبعض العلاقات عم تطور تحسن بلاجواء وخبر حلو وقديم ممكن يعود .. ضهر بعد عن العلاقات الي مارح تجيب نتيجة وحاول ماتفوت بنقاشات ومواجهات لحتى تستقر امورك هالفترة ..
صحياً: تعبان نفسياً وهاشي الو نعكاسات صحية وبدك تنتبه من المأكولات المشبعة بزيوت وخصيصاً المقالي.. ولا تعصب وروق لترتاح ..
غنيتك اليوم: وانت غايب عني..سيرين عبد نور
برج السرطان
مهنياً: قصة بالعيلة بتشغلك ومن ضهر الامور لصالحك ومال ..بتعاني شوية ضغوط ببيتك وبشغلك وقصص عقار انت بحاجة لحلول وبتنشغل بحدا ببيتك حاول تروق وتهدي لان امورك من ضهر افضل لترجع طاقتك ويزيد حظك حرية وحركة واتصالات وحلول لقصص مالية و لقاء واجواء اجتماعية .
عاطفياً: يومك بدو تقارب وتفاهم وعدم تردد .. بعد توتر وتعب وعانيت من سوء تفاهم وقلق لامور عم ترجع تدريجي يومك بيشهد تقارب وحلول لوضعك ومصالحات بلاخص من ضهر بتزيد ثقة والعاطفة عندك والعين عليك وتطور بالعاطفة حتى شخص ممكن يتقرب منك او ارتباط عند الاعزب ..
صحياً: خلي صحتك من اولوياتك وخلي عندك اهتمام اكتر حتى مايتراجع وضعك بالفترة الي جاي ..
غنيتك اليوم: حكيو عينيك … ريان
برج الاسد
مهنياً: سفر واتصال مهم او خبر ومن ضهر قصص عائلية .. استغل وضعك بنهارك اذا حابب تسافر وتطلع وتغير جو ولاوضاع بتكون افضل رغم عم تعاني من جواتك عدم راحة وبتحس ماحدا عم يفهم عليك ولا بيعرف شو بدك .. اتصال حلو ومهم او عزيمة فيك تشتري وتبيع وتجهز لمقابلة اولقاء او اختبار .. ضهر عم تنزعج من قصة عائلية او شي عم يعود من جديد وممكن قصة حدا من اهلك بتشغلك او عم تناقش فيها ولازم تلاقي حل لبعض القصص بالعيلة ..
عاطفياً: عندك عتب ومانك مرتاح وبتحس الكل عم يدخل بالوضع او عم تعاني من المصالح وعم تكشف المواقف صدق كلامك واحساسك .. حاول لا تحسم امورك وخلي مجال تفاهم وخط لرجعة خليك واثق بحالك ومن قراراتك .. في تغيير بوضعك بتتحرر من قيود والبعض الأجواء بتكون افضل والامور بتنقلب لصالحك وناس عينا عليك ومعجبة فيك ..
صحياً: هدي من عصبيتك ماتأثر على الاعصاب والمعدة ونتبه من الحوادث وريح حالك ونام وقت كافي ..
غنيتك اليوم: قلبي سهران يناديك…ايوان
برج العذراء
مهنياً: قصص مالية بتشغلك ومن ضهر سفر وقصة عقار وداراسة او اختبار ..عم تعاني من ضغوط وماعم تلحق ومصاريفك كبرت على مستلزمات وشراء او بيع وتصليحات عندك وفرصة لتقبض مال او حوالة .. عم تنشط اكتر من ضهر قادر توصل وتنجح وعندك علم جديد او عم تجهز لاختبار او امتحان فيك تسافر اذا ناوي واتصال مهم او موعد ومشوار وعزيمة.
عاطفياً: حاول لا تدخل بأجواء عصبية او حدا يستفزك
بلاخص ناس المقربة الي بوجهين خليك حذر بتعامل ونتبه لردة فعلك .. ضهر مستجدات حلوة وتقارب ومشاعر رومنسية افضل حتى البعض في اعجاب عندو ..
صحياً: تحسن صحي لمن كان لديه تعب او مرض والباقي عليك بالوقاية وتنفيذ تعليمات صحية
غنيتك اليوم: كل مرة بزعل وبفل..ايمن زبيب
برج الميزان
مهنياً: طاقة وحظ بنهارك ومن ضهر بتشغلك امور مالية .. استغل الفرص في امور منيحة عندك وتحسن ايجابي بتقدر تحل بعض مشاكلك وتتخلص من قصة تعبتك مبلش بطاقة وناس حدك وناوي تعمل تغييرات حرية وحركة ونشاط وتنقل .. بعد ضهر قصص مالية بين دفع وقبض عيد حساباتك منيح وضب ايدك وفي قصة عقار او شراء سيارة او موبايل ..
عاطفياً: لاجواء منيحة نوعاً ما مرتاح نفسياً بلاخص الي مرتبط حديثاً اجواء ولقاءات واتصالات ومواعيد . المرتبط بشكل عام حاول تفكر بمصالحات او لترجع الامور متل ماكانت علاقتك بتمر بمرحلة اختبار مابدا ياك تتسرع وخليك حذر بعد ضهر وفترة المسا من اي سوء تفاهم حتى ماتدخل بأمور فيها شوية تعقيد ..
صحياً: مصدر طاقتك لاماكن والمطاعم والمشاوير والهدايا وناس الي بتحبا يالله شوف شو بدك ..
غنيتك اليوم: على نار … صابر الرباعي
برج العقرب
مهنياً: هدي بنهارك ومن ضهر حظ وطاقة وتغيرات ..
أول نهارك مضغوط وتعبان وعندك امور مالية ودفع مستحقات او فواتير وكتير عم تعاني وعم تحسب شو الك وشو عليك وعم تستعجل لتخلص شغلك .. ضهر انت افضل طاقتك بترتفع ومستجدات وتسويات وكتير وضعك بيتحسن تدريجي وخبر مهم واوقات حلوة عندك وفيك تعمل تغييرات وتعطي نفسك الاهتمام اكتر .
عاطفياً: لا تتسرع وتاخد اي قرار حاسم لا تخلي شي يأثر على علاقتك وبلاخص الي حواليك روق ولا تهتم لحدا.. جاذبية وسحر خاص ومن ضهر انت كتير منيح وتحسن بعلاقتك وعم يصير نقاش كتير وتفاهم وخبر حلو بريحك وفرصة للاعزب لتبدا شي جديد واعجاب متبادل ..
صحياً: اذا بلشت بحمية غذائية لامور بتكون افضل بلايام الي جاي لو كانت نتائج بطيئة .
غنيتك اليوم: روحي يانسمة … جورج وسوف
برج القوس
مهنياً: خفف عصبية ولا تأجل شي بلاخص لامور المهمة بهاليوم .. انت بعدك متوتر ومانك مرتاح نفسياً نتبه من الاعطال وقصص بشغلك بدا وقت لتظبط بتحس انو في ضغط عليك كتير هدي حتى لا توقع بمشاكل او دفع مصاري على امور مو مستاهلة وحاول لا تخلي حدا يستغلك ريح حالك هالكام يوم ونظر تغيرات وحلول لمشاكل ادارية وقانونية .. امورك افضل اجتماعياً وأجواء حلوة ولقاءات وعلاقات وتحسن عم تنجح بشغلك وعندك القدرة وتركيز والمهارة لتوصل وتنجح بلاخص بعد ضهر..
عاطفياً: عم تعاني عدم الاستقرار بوضعك العاطفي وبحاجة لحدا يفهمك وتفهمو ويمكن بعض ضغوط الاخرى عم تسبب برود بالعواطف وعرقلة لا تعتب على الشريك وعيش يومك بعيد عن توترات والعصبية ولا تهتم لشي رغم تعبك وهمك .. لبعض بفوت بعلاقة جديدة واجواء حميمية وحب قديم ع البال ..
صحياً: انت قادر تتجاوز ناس الي بتعصبك داري هاشي ونتبهلي على صحتك ولا تهمل حالك ونفذ تعليمات ونصائح …
غنيتك اليوم: تملي معاك .. عمر دياب
برج الجدي
مهنياً: قصص بشغلك عم تسبب قلق وتوتر بس روق ولا تاكل هم .. بحاجة تكون دقيق بشغلك وبعد حالك عن الاضواء وخلي لامور تمشي بشكل طبيعي ساير وتفهم القلق الي عم يصير حواليك وكون جاهز لأي مهمة وخلص المطلوب منك .. ضهر انت افضل علاقات وناس جديدة وحدا غالي .. بترتاح من ضغوط بتكون اجتماعي واتصالات وفكرت سفر عم تراودك هالفترة ..
عاطفياً: خفف شكوك واسمع وجهة نظر الشريك بلاخص بنهارك لا تتسرع حتى ماتوقع بمشاكل وقرار مو محسوب حسابو وضعك بحاجة لحلول بعيد عن تشنجات وتوترات وفكر بعقلانية وحكمة لان بعد ضهر لاجواء افضل لقاء او اتصال وتحسن بوضعك العاطفي وسهرة حلوة او عم تصالح اليوم اذا في زعل .. بس البعض نتبه من علاقات مارح توصلك لشي او عم تاخد طابع تسلية حاول تعرف شو بدك وتقرر منيح ..
صحياً: نتبه لنوعية اكلك وتبع نصائح بلاخص اذا حابب تعمل حمية .. أعتمد على الخضار وخفف وجبات سريعة ودسمة ..
غنيتك اليوم:ممنوع تهملني … اليسا
برج الدلو
مهنياً: تطورات وحركة واتصالات وجهز حالك لسفر ..
وضعك تحت الاختبار لهيك بدك تنتبه في ناس ناطرتك على غلط لحتى يشوه سمعتك وتوقعك بأخطاء .. ركز منيح بلامور القانونية والادارية ومعاملاتك وخليك دقيق .. بعد ضهر عندك شغل جديد او قصة جديدة وناس ورفقات حواليك واتصال بتناقش في قصة شغل او مال ولقاء مهم ..
عاطفياً: بعدك تعبان والقلب ماعم يعرف يرتاح وفي استفزاز وعصبية وحاول لا تخلي شكوك تكبر او تاخد قرارات حاسمة بيومك خليك واثق بحالك وخليك صريح متل العادة لان شريك بتحسو عم يحاول يقلب الامور لصالحو .. نظم امورك وحاول تاخدها بتجاه الاستقرار.. وبعض علاقات صداقة ممكن تتحول لحب.
صحياً: عليك بالانتباه اكثر لصحتك ونتبه من تناول المسكنات والمضادات الحيوية لانها ممكن تخفف من مناعة جسمك..
غنيتك اليوم: عد للعشرة…ادهم نابلسي
برج الحوت
مهنياً: بتشغلك قصة مالية بنهارك ومن ضهر بتبلش ترتاح .. قصص عم تشغلك بنهارك ممكن تكون مالية وعندك دفع ومستلزمات ونفقات وفي ضغط والبعض عم يحاول يستفزك .. بعد ضهر الحظ بكون معك طاقتك بترجعلك وحلول لعدة مشاكل او عرض جديد او تفاق ومصالحة بتجهز لسفر او مشوار واتصال مهم وفي ترقية وتقدير لجهودك وممكن مكافئة مالية وقصة مال بتلاقيلها حل ..
عاطفياً: من بعد ضهر كلشي بكون منيح جذاب وعاطفي ورومنسي .. عم تعاني تعب من تصرفات شريك وقلبك تعبان منو وماعم يفهم عليك حاول تهدي ولا تفقد ثقة حتى لا تخسر علاقتك وحبك بلاخص بنهارك اذا في لقاء او اتصال .. بعد ضهر مستجدات جديدة عم تعيد نظر بعلاقتك وخبر حلو لصالحك وتحسن بلاجواء ولاعزب أنتظر شي حلو وتعارف عن طريق صدفة او صداقة تتحول لأعجاب وحب ..
صحياً: بحاجة لقرارات جدية لتنتبه لصحتك ولتفت لامور تسلية والمرح ونام منيح ..
غنيتك اليوم: فكرتك صح .. ادم