ابراج اليوم الاربعاء 18 مارس

توقعات اليوم الاربعاء 18 مارس 2020

برج الحمل

مهنياً:شغل كتير وعم تعمل لنفسك سمعة واجواء عائلية واجتماعية ..رتب امورك وخلص المطلوب ونتبهلي على صحتك بتنشغل بكتير قصص حاول تركز وتطلع من حالة الضياع وتشتت بالافكار يوم طويل في ركود وناطر حدا هاليومين و ممكن تحصل على فرصة جديدة وتحسن تدريجي المهم لا تنسا واجباتك المهنية ولاتعمل مشاكل مع المسؤولين او مع ناس الي حواليك لتوصل لشي لبدك ياه ..
عاطفياً:بالك مشغول وفي كتير قصص عم تشغلك حتى ماعم تركز وممكن طابع الشك والغيرة عم يسيطر عليك وبلاخص اذا الشريك بعيد او عندو برود تجاهك وقلة اهتمام واضحة وانت ماعم تتحمل هاشي .. برغم كل هاد ممكن في مصالحات وممكن البعض يدخل بعلاقة جديدة ركز وختار شريك يهتم فيك ويناسبك ..
صحياً:يوم مساعد لتحسن وضعك صحي وهاشي بيعتمد على الارادة وتصميم لتنجح وتوصل لبدك ياه.. بس البعض عم يتعرض لكريب ..
غنيتك اليوم:بستنى باليوم واليومين..جورج

برج الثور

مهنياً:اليوم بيدعمك وبوفر أرضية جيدة لتنقل والحركة وسفر اذا ناوي وعزايم ومشوار ولفلك بيدعمك بأي قصة جديدة ممكن تفوت فيا وبخليك تحسن علاقاتك وتتعرف على ناس جديدة وممكن تجيك اتصالات بعيدة وتشوف ناس بعد غياب يومك منيح لتطلع من حالة ركود وتعب وتحسن وضعك على عدة اصعدة ..
عاطفياً:يوم بيعطيك تركيز وبخليك تاخد وقت كافي لاعادة نظر وعدم تسرع بقراراتك وتفكر منيح كيف تلاقي حلول بلاخص اذا في قرار باستمرار العلاقة او ارتباط او دخول بعلاقة جديدة وعم تزيد جاذبيك بهيك يوم لهيك بدي منك تستغل هاشي وتأثر على الجنس الأخر وتحسب هاشي لصالحك فكون جاهز ولا تتردد ..
صحياً:نتبه لصحتك واكلك ولا تدع المشاكل الأخرى تأثر على صحتك لان مو ناقصك مشاكل صحية جديدة ..
غنيتك اليوم:كلو كذب ماحدا بيعشق حدا .. ناصيف زيتون

‫ برج الجوزاء

مهنياً: هدي ضمن بيتك وقصص مالية عندك .. عم تتحسن امورك وعم تركز وعم تحسن تعطي كلشي حقو حتى اتصالاتك مهمة و تفاهمات واتفاقيات ووعود
عم تعاني من قصة ببيتك لكن حاول تبعد هيك شي عن وضعك الشخصي او المهني وتضبط أعصابك ولا تنفعل قدام اي امر طارئ .. عم تفكر بالمال وكيف ممكن دبر امورك وعم تحسب شو الك وشو عليك وعم تفكر بمستحقات او ميراث بس ضبلي ايدك ع مصروفك و رح تلاقي حل لعدة مشاكل وقضايا وتحسن تدريجي من المسا.
عاطفياً:اليوم بيستدعي منك تحسم امورك العاطفية وحاول تلاقي حل ولا تحتار بخياراتك لتحط حالك على طريق صحيح ولا تتردد بحسم امورك انت مو ناقصك تعب وقلة اهتمام لهيك مطلوب منك الحسم .. والبعض عندو مفاجئة او مبادرة جديدة حاول تستغل هاشي يوم في مصالحات ونقاش واوقات متقلبة بالمشاعر ..
صحياً:عم تعاني ضيق تنفس وسبب تعب وارهاق وركود الي حاصل ريح حالك منيح ولا تستهتر بوضعك الصحي ..
غنيتك اليوم:غيرك مابختار…حسين ديك

برج ‫السرطان

مهنياً:شراكات بيومك وعلاقات وممكن عمل جماعي عندك ..تضارب المعطيات بين علاقاتك وشغل جديد ناطرك فحاول تكون هادي ولا تسبب لنفسك مشاكل وتحس انو ماحدا عم يفهم عليك وانت تعبان نفسياً من بعض العلاقات .. انت بحاجة تنظم وقتك وترتب امورك وتحدد اولوياتك بيوم في ضغط عليك ..روق ولا تستعجل بشي ولا تخلي حدا يأثر عليك لان عندك فرصة لشغل لانطلاقة جديدة وممكن تحصل على مكاسب جديدة ..
عاطفياً:هديلي حالك اليوم ولا ترجع الامور سببت مشاكل بوقت سابق .. الشريك مزعوج من الوضع وهاشي مأثر عليه نفسياً حاول تراعي الوضع ولا تزيدها عليه وحاول تتقرب منو وتتفاهم معو وتلاقي حل وتكون حدو وقريب منو .. البعض عم يخيب ظنو ببعض العلاقات ومافي شي عم يظبط معو او يكمل بلاخص بموضوع الارتباط وهاشي عم يسبب مشكلة او عقدة نفسية وماعم توثق بحدا بقا ..
صحياً:امورك افضل صحياً وتتطورات منيحة وشفاء من مرض عند البعض..
غنيتك اليوم:انا كيف بدي انساك وفل..ادهم نابلسي

 برج الاسد

مهنياً:قصص مهنية وتطورات صحية .. لا تتأفف من الوضع ولاتكون بارد ونتبه من المواقف المحرجة لا تخاف من اي سوء تفاهم او توتر لان انت قدا وبتعرف كيف تمرق هالوضع على خير برغم من انو يومك في ضغوط ومسؤوليات وكتير تراكم بالاعمال بين بيتك وشغلك وعلاقاتك الشخصية فانت رح تتطلع من هاشي قريباً وممكن تتوصل لحل وممكن فرصة عمل او عم تناقش بشغل تفائل ورتب امورك منيح لتتخلص من ضغوط الي ما عم تعرف من وين بيطلعلك وتحسن مادي بعد هاليوم ..
عاطفياً:يومك متقلب بين انسجام ومشاعر حلوة وعم تطلع بأفكار جديدة حتى شريك عم يشاركك هاشي وعم يوافقك رأي وعم يكون معك بهاليوم .. بس بعض المتزوجين بينصحك تتريث بقرارات او اذا ناوي تحسم علاقتك فكون هادي ولا تتسرع توتر بمر على خير بس روق وحسبها صح ..
صحياً:وعكة صحية خفيفة او كريب كون حذر وخليك مع ناس بتحبك وطاقتا ايجابية ..
غنيتك اليوم:انا وحيدة..اليسا

برج العذراء

هنياً:يوم ايجابي معطيات جديدة وبتتخلص من قصص تعبتك مهنية او مالية ومانك لحالك اليوم لانو عندك ناس حولك ومحبينك كتار وبتشوف شخص غالي و بتطلع من ركود ولملل الي كان عاملك نوع من توتر وماكنت عارف حالك شو عم تعمل استغل الحظ بهاليوم بين اتصالات وتواصل وتطور بيخدمك بقادم الايام وبدك تحط حد للوضع او تفتح صفحة جديدة بمستقبل افضل وخبر بيتعلك بحدا بخصك ..
عاطفياً:يوم للعاطفة والمغامرات رغم شريك بتحس شو ماعملتلو مابيعجبو العجب ..جذاب بيومك وساحر وكلامك حلو وانت رايق وضحتك على خدك وانت متفائل بهيك يوم بس شريك متعبك وماعم يفهم عليك حاول تفكر بيومك ولا تهتم لامور أخرى .. يوم حلو أستغلو بعواطف ورومنسية وبتسمع كلام حلو وتواصل واتصالات طويلة وارتباط عند البعض ..
صحياً:لا تجهد حالك ونتبه من الارهاق..عليك تنفيذ تعليمات وتتقيد بما طُلبا منك حتى تتحسن صحتك وتكون منيح..
غنيتك اليوم:فكرتك صح…أدم

برج الميزان

مهنياً:في قصص متعبة عم تلاقيها ببيتك او من ناس الي حواليك وعم تتعب نفسياً وماحدا عم يقدر وضعك ومانك حابب تستسلم قدام العقبات والمشاكل وضغوط نفسية والعائلية استغل عامل الوقت لتتحرك بسرعة .. واجه المسؤوليات لا تتهرب من الواقع ولا تأجل شي .. مواضيعك بدها نفس طويل ولازم تثبت جدارتك .. روق ومابدي ياك تعمل مشاكل مع حدا وساير هاليوم بس ..
عاطفياً:ضغط عليك كتير وعم تواجه الاحداث لحالك وشريك عندو اهمال او بتحسو مو فارقة معو .. في تكبر ومكابرة وفرض الامور .. ممكن يكون في بحث بامور حساسة اذا صار هيك شي فحاول انك تساير وتكسب الامور لصالحك بشوية هدوء بتنجح وبتكسب الشريك لصفك وتطور مهم بوضعك بعد هاليوم ..
صحياً:نتبه من الارهاق النفسي والجسدي حتى ماتتعرض لخمول وكسل ومالك نفس ع شي.
غنيتك اليوم:دهب ياحبيبي بيضلو دهب..جورج

برج العقرب

مهنياً:نشاط وطاقة وحيوية لتواجه الاحداث وتحقق نجاح بيومك .. بعد تعب وضغط مريت في انت اليوم افضل واحسن عم تعبر عن رأيك وعم تكون واضح بعلاقاتك ويوم واعد وجيد وفي قدامك فرصة غنية بالمواهب والاعجاب او علم جديد ومال وبتكون طموح لتوصل لشي لبدك ياه .. طاقتك ايجابية وحركة كتيرة ورفقات وممكن تنقل او سفرة قصيرة وعزيمة وسهرة وقصص عقارية ودراسية واتصالات حلوة.
عاطفياً:حاول تكون صريح بعلاقتك وتحكي الي جواتك لان بالك مشغول وبحاجة للاستقرار الفكري بلاخص حاسك ضايج ومتعب من هاشي والاجواء العائلية متعبتك ..لاتعمل مشاكل مع الشريك و خليك صريح واذا في شي براسك لا تتردد تقرب منو كمان وخليك واثق من حبو الك لمهم انت تبادر لتصل لقلبو وتعبر عن حبك استغل هاليوم لتقارب وحاول تتجاوز اي خلاف وأستغل جاذبيتك وسحرك وتستعجل بهاشي الوقت عم يمرق .
صحياً:نتبه للعصبية واذا عندك وضع صحي ضروري يشوفك اخصائي او طبيب ..
غنيتك اليوم:اي بحبك اي …ناصيف

 برج القوس

مهنياً:فرصة ونشاطات واتصالات وقصص مالية .. يومك عم يدور بفلك بيت المال بين قبض ودفع ومستلزمات وفواتير وامور معيشية وماعم تعرف من وين عم تتطلع بوجهك المصاريف وماعم تلحق والبعض بحاجة للمال لموضوع مهم .. ممكن يجيك مال لكن غير كافي لتغطية أحتياجاتك حتى عم تفكر بطرق أخرى او شغل اخر لتعوض نقص ولتسعى من اجل تحقيق مكاسب جديدة .. ممكن موضوع شراكة او عمل وهاشي بزيد من معنوياتك ..
عاطفياً:يوم متقلب وبعدا الامور بحالة من ضبابية ومو واضحة وحاسس حالك انو شريك عم يتعبك بدل ماعم يريحك ويحسسك بحبو الك وما عم يبادلك المشاعر والعواطف .. والبعض غير المتزوج في تتطور بعلاقتو وعم يقضي وقت طويل بين لقاء او اتصال طويل وفي غزل ..
صحياً:حاول تطلع وتغير جو هالفترة عم تكتر الوجبات عندك او عم تاكل بطريق سريعة نتبه من مشاكل هضمية وتفخة بالمعدة ..
غنيتك اليوم:بدي ياها….ناصيف

‫ برج الجدي

مهنياً:تطورات بعلاقاتك واهتمام بحالك وحابب تغير جو تنقلات بين مشوار وسفرة قصيرة وقادر تقنع وتوصل وجهة نظرك وتعيد ترتيب امورك ومعاملتك مع البعض .. مال ممكن يجيك وطاقتك بتزيد والحظ بحالفك بأعمالك ولقاءاتك .. عندك نقاشات مهمة علاقات بتكتر وحضورك مميز بتحط حالك على طريق صحيح وبتبلش من جديد أستغل طاقتك اليوم ولتحل مشاكلك وتنطلق من جديد او عرض جديد …
عاطفياً:يومك حلو بعلاقات ورومنسية وتعارف بتكون مميز وجذاب والعين عليك في تواصل واتصالات مع الجنس الاخر .. بيتحسن الوضع عندك وبلاخص اذا كنت متزوج وممكن تدخل بعلاقة جديدة وممكن تفكر انك ترجع لعلاقة قديمة او تصلح مشاكلك .. يوم ايجابي حاول تستغل كل تفاصيله ولا ضيع الفرصة من ايدك .. والبعض عندو تمرد على بعض العادات وعم يخرج عن المألوف .
صحياً:عليك الاقلاع عن بعض العادات السيئة مثل الجلوس لفترة طويلة ونظر الي الموبايل او تلفزيون ودخين بحاجة لنوم وراحة بعد جهد..
غنيتك اليوم:بين قلبي وقلبك..اليسا

برج الدلو

مهنياً:علاقات ورفقات بحدك وناس مهمة ممكن تقابل بدي منك تدرس اي عرض مقدم الك ولا تحتار او تقبل باي شي مارح تستفاد منو او يكون لصالحك .. بس نتبه بدون انفعال وعصبية ونتبه من المسؤولين حاول توصل افكارك بدون استفزاز او سوء تفاهم وامور بتخص عقار ومال والعيلة عم تعبك وعم تاخد حيز من تفكيرك حتى قصص الشراكة ماعم تعرف لوين رايحة اذا بحاجة مساعدة فيك تطلب .. انت روق هاليوم وتحسن كتير منيح رح يكون من المسا ..
عاطفياً: برغم انك عم تعاني من ضغوط وتأثيرات أخرى الا انو البعض ممكن يفوت بعلاقة او قصة جديدة وعم تكون اوقاتك افضل بين تواصل ولقاء وممكن يبادرك الشريك بشي ما ..المتزوج عندك مطالب وممكن الشريك ماعم يقتنع معك وعم يزيد الوضع عليك .. احتمال حدوث امر مفاجئ يحسم الامور بشكل كلي .
صحياً:نتبه من مشاكل النوم الخاطئ بما يخص الرقبة ونام على وسادة مريحة وممكن البعض يزور طبيب بسبب حساسية جلدية .
غنيتك اليوم:نقطة ضعفي .. حسين ديك

برج الحوت

مهنياً:تغيرات لصالحك وأمورك بتبلش تاخد طابع جديد بين استقرار وفرص مهنية جديد لفلك عم يمنحك تغيير بشغلك ممكن يكون لصالحك وحتى بتدخل يوم بعلاقات اجتماعية جيدة ورفقات عندك وتواصل ولقاءات وفرصة لتتعرف على ناس جديدة وتطور بعلاقاتك وممكن سهرة وطاقتك تدريجي بتكون منيحة خلص شغلك المهم ولا تخلي لاعمال تتراكم عليك وخود وقتك بالقرارات المهمة ..
عاطفياً:هدي ولا تتسرع وغيمة وبتمر .. بدي منك تبقى مكانك اليوم ولا تراهن على شي وحاول انك لا تقدم على اي تصرف مو مناسب وخليك ذكي وتريث رغم انو الشريك مانو حدك او ماعم يقدر ظرفك بس روق وحاول تنهض من جديد وتتحلى بعاطفة ورومنسية حلوة وجاذبية عالية واذا كان شريك متعبك حاول تكون بعيد عن حبك بهاليوم بلا ماتكبر القصة ..
صحياً:بدي ياك تنام منيح لارهاق وتعب ناتج عن السهر لوقت متأخر من الليل مايجعلك غير قادر على مواصلة اعمالك ..
غنيتك اليوم:يامرايتي…اليسا