توقعات اليوم الجمعة 20 مارس 2020
برج الحمل
مهنياً:بتطلع تدريجي من تعبك بتكون محط أعجاب لكتار و اخبار حلوة .. عندك شغل وعلاقات اجتماعية عم تكتر وحاول تنسق ونتبه لمواعيدك ولا تتأخر على شي وخلص المطلوب منك وفيك تخصص وقت للقاءات والعلاقات الأخرى وللعزايم او اذا في مواعيد لانو في اجواء مميزة ناطرتك وعلاقات عم تتحسن بس ضروري تخلص شغلك المهم وقصة انجاب عند البعض ..
عاطفياً:يوم جيد للعلاقات والمغامرات فرصة لتتعرف على شخص جديد ومميز و صداقات ممكن تطور بلايام الي جاي عندك جاذبية والعين عليك اتصالات حلوة وحدا مهم وممكن علاقات حميمية .. بدك تعمل جهدك حتى العلاقة تبقى مستقرة او انها تستمر يعني لا تقدم على حسم بدون ماتكون واثق من قرارك حتى لا تسبب لنفسك ضغط بالوقت الحالي او اي تصرف غلط يأثر على العلاقة مع شريك..
صحياً:امور افضل صحياً تتطور منيح وبلاخص اذا بدك تبلش بشي جديد..
غنيتك اليوم:سيد الهوى قمري..فيروز
برج الثور
مهنياً: يومك في كتير شغل ومضغوط وامور بتخص وظيفة او مكان عملك او تقديم لشي مهم .. يوم في فرصة حلوة ولقاء مهم لازم تحط جهدك لتنجح لان لعيون عليك وناطرينك على غلط خلي امورك ضمن سرية معينة بلاخص اذا بدك تعمل شي اليوم بما يخص شغل او عم تجهز الاختبار او امتحان كون دبلوماسي وحافظ على سمعتك الاجتماعية والمهنية .. لبعض عندو مشروع جديد او شغل مقبل عليه ..
عاطفياً:عم تتعارض امورك بين العاطفة ومشاغل أخرى وفي عندك شوية ضغط لهيك بدي منك تنتبه لكلامك وتحاول تكون سياسي مع الوضع وبتصرفاتك حاول تغير شوي من معاملتك ومن شكلك وتهتم بحالك لتبقى جذاب ومميز .. انت قادر تتجاوز القلق وتوتر بعلاقتك في شي ايجابي ناطرك ورح تحقق رغبة او امنية انتظرتها طويلاً..
صحياً:حدود وضعك صحي بتعرفا فلا تخاطر بحالك وتبع تعليمات وتحقق الي مطلوب منك صحياً..
غنيتك اليوم:ضاق خلقي …فيروز
برج الجوزاء
مهنياً:يوم لتغير افكارك الي مسيطرة عليك وتتحرر من القيود وتذيل ضبابية عن عيونك الحظ بيدعمك بحلول لمشاكلك وتطورات جديدة وعلاقات اجتماعية لقاءات واتصالات واجواء حلوة وسفر قريب وبتقابل ناس جديدة او الك زمان ماشفتا وبدك تعمل شي جديد ..
عاطفياً:شراكة عاطفية وقصة حب جديدة عم تكبر او احتمال عودة شريك قديم .. بعد ايام متعبة بعلاقتك وتوترات انت امام فرصة وحظ حلو لتستغل هاليوم وتحسن من علاقتك ويمكن يرجع تواصل وتنهي كتير مشاكل وعم تكون بعيد عن الانفعال والعصبية مع الشريك وعلاقات بتعود ومصالحات بهاليوم ..
صحياً:لازم تضبط اعصابك اليوم ولا تعمل مشاكل اوتنفعل حتى ماتوقع بمشاكل صحية..
غنيتك اليوم:خد بالك عليي…اليسا
برج السرطان
مهنياً: من الايام داعمة الك لتبلش من جديد وتحقق نجاح وتتجاوز مشاكل كتير تعبتك بالفترة الأخيرة لان عندك تتطور وتحسن صح في صرف مالي وانت كتير بحاجة للمال هالفترة حتى قصة بتخص مال بتشغلك يمكن دين او ميراث وقسمة ومقبل على انفراج لقضايا
قانونية وبترتاح شوي من ضغوط ..
عاطفياً:شريك متعبك بس اذا بيستاهل عطي فرصة جديدة ..يوم حلو لتكون قريب منو وتقضي وقت معو وتظهر رومنسيتك ولتعمل صلحة وتشعر براحة عاطفية او تبادل الاعجاب .. يوم الاظهار العواطف وعدم القدرة على سيطرة عليها وتخطيط لامور مستقبلية وراحة وتحسن بوضعك ..
صحياً:عليك بممارسة المشي بأماكن مريحة لترتاح نفسياً..
غنيتك اليوم:اسمع كلام حبيبك…وائل جسار
برج الاسد
مهنياً:شراكة وامور بتخص جمعيات سكنية ومالية .. الامور بشكل عام متقلبة مو مرتاح من المعاملة الي عم تتلقها مع انك كتير سلس وما عم تزعج حدا بس انت مو مرتاح من محيطك وتعبان من الوضع والمعاملات الي عم تعاملك فيها ناس لا تهتم لحدا بعرف قلبك طيب وماعم تقصر .. فرصة كمان لتلاقي مين يساعدك ويوقف معك بموضوع بخص شغل او وظيفة او شراكة وعود قريبة ..
عاطفياً:المرتبط شريك ماعم يريحك ولا عم يفهم عليك ومتعبك ولا تخلي يعصبك ويستفزك لان مابدي ياك تعمل مشاكل وتكبر القصص .. انت كتير بحاجة هالفترة لشخص يفهم عليك وترتاح معو قد يكون صديق او شريك قديم .. مابدي تفقد ثقة بحالك وبتجاربك السابقة وافتح صفحة جديدة .. لاعزب امورك افضل بس ابحث عن علاقة صادقة..
صحياً:لازمك راحة وتخفف من شغلك وتلتفت لامور مسلية بعض شيء او فيك تمارس رياضة بوقت فراغك
غنيتك اليوم:لأنك عيني..ماجدة الرومي.
برج العذراء
مهنياً:بحاجة للجرأة وعدم تردد بقراراتك بما يخص شغل او سفر .. يوم بدو اعادة حسابات وتكون جاهز لاي طارئ ممكن يصير معك ضغط العمل او ببيتك عم يكون كتير كبير وعم يكون قدامك مسؤوليات وماعم تفضى لشي تحديات ومسؤوليات لكن لا تخاف عندك الارادة والقوة والحركة لتتخلص من هاشي بس رتب امورك منيح ولا ضيع الوقت وبحاجة لسرعة وتحسن اكيد رح يكون بعد هاليوم نشالله ..
عاطفياً:عم تهتم بأمور أخرى اكتر من العاطفة وبلاخص المتزوج والمرتبط الغير المتزوج مهتم بأمور عملية او شغل هاشي عم يخلي الشريك عصبي او بنق ومو عاجبو العجب حاول تهدي وطمنو شوي ولا تزيد القصة .. والبعض بدي منك تنتبه ثقتك بمين عم تحطا وخليك جاهز لكل لاحتمالات والمفاجئات العاطفية ..
صحياً:ضروري نتبه على صحتك مو ناقصك مشاكل صحية حاول توقي نفسك من الاضطرابات وتحمي صحتك من هالجو ..
غنيتك اليوم:بعدك على بالي..فيروز
برج الميزان
مهنياً: يومك منيح بين العمل وامور مالية او مال غير متوقع وعلاقات واوقات حلوة بتقضيها بعد فترة متعبة وكتير كان فيها ضغط .. اليوم بتحدد خياراتك وبتقتنع لان كان عندك خيارات كتير وكنت محتار.. بتتمتع بيوم داعم من الحظ وتفائل لتبدا شي جديد وتخلص امورك المهمة وواجباتك على اكمل وجه وبتحل قصص معقدة ولتسمع خبر بيسعدك وبيعطيك طاقة ايجابية وحرية اكتر ..
عاطفياً:ملفت لنظر وحليان ورومنسي وهاشي كتير بساعدك تأثر على كل مين بشوفك وممكن تتلقى عرض او اعجاب من شخص وممكن البعض يبلش علاقة جديدة ..حتى اذا كنت مرتبط ممكن تتحسن امورك ويكون تواصل نوعي بعلاقتك روق لتحل مشاكلك ويومك مميز وحميمي وحابب تعمل تغيير بشكلك وممكن تواصل مع حب قديم او علاقة سرية …
صحياً:لازم تنتبه على صحتك وتمنحها راحة والاهتمام ولازم تتبع نظام غذائي جيد..
غنيتك اليوم:لا بعدك حبيبي..وائل جسار
برج العقرب
مهنياً:بيشغلك وضع بيتك وعائلتك هدي أعصابك وفكر بحلول .. قصص طارئة عم تشغلك بهاليوم وبلاخص عم تكون اهتماماتك عائلية او نقل سكن او تصليحات وعم تشغلك امور مالية وممكن بدك تدفع مصاري على حدا من اهلك ممكن بسبب وضعو او اذا حدا طلب مارح تقصر معو .. انت قادر توقف من جديد وترتب امورك بشكل افضل بس طول بالك هاليومين ..
عاطفياً:هدي وروق ولا تحمل الشريك فوق طاقتو كمان وكل واحد عندو واجبات لازم يلتزم فيا وبلاخص انت كنت رضيان بالواقع .. بدي ياك اذا صار نقاش فاخليك هادي لانو يومك حلو بس بدو شوية حكمة وتفاهم وصبر على بعض الامور خلي تفكيرك ايجابي ولا تضعف قدام اي محنة طارئة ..
صحياً:خصص وقت لرياضة ولمشي بشكل يومي بلأقل ساعة ..
غنيتك اليوم:عندي ثقة فيك…فيروز
برج القوس
مهنياً:بتتلقى عرض او بتفاوض على شي وقصة حدا من اهلك بتشغلك .. بدعيك تكون دقيق بأي عرض مقدم الك امورك افضل من قبل .. حرية وحركة وتنقل وممكن سفر قصير بهاليوم وانت مقنع برأيك وافكارك وفيك توصل لشي لبدك ياه .. ممكن تتعرقل بعض الاتصالات لكن بلقاءات انت افضل وحاسم اكتر .. وممكن بيع او شراء واتفاق برغم ظروف بتنجح لا تخاف..
عاطفياً:يوم منيح بتقضي وقت حلو مع الشريك بين لقاء واتصال وانسجام وسفر مع شريك او بقصد سهرة او مناسبة وفرصة مهمة بهاليوم اذا بدك ترتبط .. بس اذا علاقتك متوترة نتبهلي لكلامك لان ممكن تحكي الكلام دج وبدون تفكير مسبق وهاشي ممكن يجرح الشريك ويأثر في ..
صحياً:نتبه من الحوادث ولا تتردد بأي شي ممكن يعود على صحتك بسلامة ..
غنيتك اليوم:باسم الحب الجميل…جورج وسوف
برج الجدي
مهنياً:القمر بالدلو عم يدعم امورك المالية بين قبض ودفع او اتفاق مالي مهني وممكن ناطر حوالة .. لا تتهرب من انجاز اعمالك واجباتك لان ممكن هاشي يوتر الوضع حاول تتقرب بعلاقاتك وتساير شوي لحتى تنال الاعجاب وممكن انت ناطر مال او حوالة وممكن القبض سبت .. انت مصاريفك كبرت وعم تمر بمرحلة فيها مسؤوليات وضغط .. فيك تبدا شي جديد او عمل تاني وتتطورات بشغلك او تبحث عن موارد جديدة ..
عاطفياً:حاول ماتصطدم مع الشريك بهاليوم وتصرفات الشريك مو عاجبتك وممكن ماعم ترضيك بشي استغل جاذبيتك والحظ بهاليوم حتى يصير توافق وتحل مشاكل معقدة جدا وتفتح صفحة جديد بحياتك العاطفية بعيد عن الماضي .. وانت الك تأثير كبير على الجنس الأخر حاول تستغل هاشي بلاخص اذا كنت اعزب ..
صحياً:نتبهلي على صحتك ولا تجهد تفكيرك وعليك بأتخاذ القرارات في ما يتعلق بالوزن الزائد وكون حذر من بعض الالات الحادة .
غنيتك اليوم:حنينك حنيني …جورج وسوف
برج الدلو
مهنياً:القمر ببرجك بخليك متفائل وطاقتك ايجابية لتنجز اي عمل وتكون امورك افضل من قبل بكتير وبيحكي هاليوم عن فرصة مهمة جداً بين المال وشغل جديد او اتفاق ممكن يتم بعد تعب وجهد كبير .. بتوظف طاقاتك بمكان مهم وانت الشراكة ممكن تكون افضل بهالايام تتطورات وعلاقات اجتماعية وثقة بترجع وبتحل مشاكل واتصال مهم وعزيمة..
عاطفياً:حليان وامورك اليوم في تحسن عندك عاطفتك منيحة وهاشي كلو لازم تستغلو لتحسم الوضع وتاخد قرارات اكتر جدية ولا تستسلم للوضع وممكن تلاقي دعم او تحصل على شي مهم وتطور بالعاطفة مع الشريك .. وقدرتك على جذب الجنس الاخر ممكن تبلش بعلاقة جديدة او اعجاب او ممكن تتحول علاقة صداقة او بشغل لحب ..
صحياً:لا تبقى لحالك اليوم وبلاخص بجو البيت المتعب صحياً فيك تغير جو بأماكن ترفيهية..
غنيتك اليوم:لا بأحلامك .. جوليا بطرس
برج الحوت
مهنياً:ركود بيومك وقصة طارئة .. يوم ضعيف الحظ و ناس عم تحاول تعرقل جهودك وما عم تريد الخير الك وممكن مقربين منك كتير حتى قصة ببيتك بتشغلك وعم تخليك مدايق مابدي منك تستسلم للامر الواقع وتكون ضعيف قدام المعطيات .. ممكن تعقيدات بهاليوم بس روق كلو الو حل .. ازمة وبتمر هاليومين لان عندك نقل وتغيير قريب حاول تنتبه لعلاقتك مع رفقاتك حتى ماتخسر حدا .
عاطفياً:لا تفوت بعلاقة مامنها نتيجة وفكر بشكل جدي بشخص مستقبلي .. ممكن يطرأ امر ما بعلاقتك الحالية يغير من تعاطيك مع الشريك بس بنصحك تفكر منيح باي شي وتاخد الامور بأريحية ولا تدايق مشان حدا يمكن مابيستاهل بينصحك تغض نظر عن بعض الاخطاء …
صحياً: جسمك بحاجة لفيتامينات حاول تكتر شرب سوائل والعصائر طبيعية .
غنيتك اليوم:لا انت حبيبي. ..فيروز