نقدم توقعات الابراج و حظك اليوم الاحد 10 يناير / كانون الثاني 2021 للفلكي ثابت الحسن
برج الحمل يوم الاحد 10 يناير / كانون الثاني 2021
على الصعيد الشخصي و المهني :
تتوضح اليوم حقيقة بعض الأمور الي كانت غامضة وبتغير بأسلوب تعاملك مع بعض الأشخاص صار لازم تحط النقاط على الحروف وتعرف شو الك وشو عليك .بتحظى بتأييد وتشجيع من المقربين والزملاء وتستمد منهم الطاقة الإيجابية لتكمل ما انت عازم عليه
ماليا :
قد ماحاولت إنك تقتصد بمصروفك عندك مصاريف ضرورية ومهمة. وبنفس الوقت بتتلقى وعود للحصول على مال قديم او استرداد دين
عاطفيا :
لاتحاول تفرض رأيك على الشريك وخليك لين بتعاملك معه ممكن ترشده وتعطيه نصائح مفيدة له لكن خلي كلامك معه بطريقة حلوة ليتقبل رأيك وياخد فيه من دون مايتحسس منك
نصيحة اليوم:
تابع عملك بشكل مباشر و ما تتكل على الآخرين حتى ما يصير تقصير
| طاقة المال | طاقة الحب | طاقة العمل | طاقة المزاج |
| 69 % | 60 % | 70 % | 74 % |
برج الثور يوم الاحد 10 يناير / كانون الثاني 2021
على الصعيد الشخصي و المهني :
بتعاني اليوم من ضغوط بالعمل و واجبات عم تزيد عليك وعم تركض مانك عم تلحق ممكن تشعر بالملل والتعب من الرويتن اليومي وحابب إنك تهتم بنفسك لكن مانك عم تلاقي الوقت الكافي. نظم شغلك ومواعيدك وحاول تهتم بنفسك و بأناقتك لتشعر بشيء من السعادة والراحة
ماليا :
مال بيوصل لإيدك وعم تصرفه بشكل سريع وعم تخصص جزء منه لشراء الملابس او ادوات الزينة تخص حياتك الشخصية
عاطفيا :
لاتترك الشريك وحيدا وحاول تتقرب معه بالحديث او تشاركه بهواية بحبها حاول تكسر الروتين الممل وتعمل جو من التغير بينك وبينه
نصيحة اليوم:
جدد من طاقاتك و غير من بعض الألوان يلي بتتعامل معها
| طاقة المال | طاقة الحب | طاقة العمل | طاقة المزاج |
| 70% | 68% | 69% | 75% |
برج الجوزاء يوم الاحد 10 يناير / كانون الثاني 2021
على الصعيد الشخصي و المهني :
يوم بيتطلب منك بذل جهد مضاعف ومتابعة لأمور عملك بشكل متواصل عم تتمسك برأيك وتحاول تثبت وجهة نظر أنت مقتنع فيها. علاقتك مع أحد افراد أسرتك متوترة حاول ماتزيد الأمور سوء وتكون أكتر دبلوماسية بالكلام مع الأطراف المحيطة فيك .
ماليا :
سيكون لديك شراء لأشياء مهمة وأساسية للمنزل ومصاريف عم تتجد انتبه لميزانيتك حتى ماتتعرض للإفلاس
عاطفيا :
الشريك بيحتاج منك كلمة حلوة واهتمام خاص فيه وانت مشغول عنه بأمورك العملية وواجباتك اليومية حاول ترطب الآجواء وتطلع معه مشوار او تزور احد الأصدقاء بصحبته
نصيحة اليوم:
على قد بساطك مد رجليك و تصرف حسب الظروف
| طاقة المال | طاقة الحب | طاقة العمل | طاقة المزاج |
| 60% | 56% | 65% | 70% |
برج السرطان يوم الاحد 10 يناير / كانون الثاني 2021
على الصعيد الشخصي و المهني :
تطورات كتير مهمة بمجال العمل وانفتاح أبواب كانت مسكرة. لقاء عمل او مقابلة عم تحاول تثبت براعتك وقدراتك لاتستعجل الأمور وحاول تكون على قدر كافي من المسؤولية. مسألة قانونية او قضائية عم تشغل بالك عليك استشارة أهل العلم والخبرة بذلك قبل إتخاذ أي قرار
ماليا :
ربما تقع ضحية لعملية احتيال أو استغلال مالي وتحاول استرداد مالك بمساعدة بعض الاشخاص المقربين منك
عاطفيا :
تكون على اتفاق ووفاق مع الشريك وكل خطوة عم تقوم فيها عم تستشيره فيها. العلاقة اليوم مريحة للطرفين وانسجام وتفاهم بينكما
نصيحة اليوم:
عامل الناس متل مابتحب يعاملوك
| طاقة المال | طاقة الحب | طاقة العمل | طاقة المزاج |
| 60% | 71% | 79% | 78% |
برج الاسد يوم الاحد 10 يناير / كانون الثاني 2021
على الصعيد الشخصي والمهني :
تتحلى اليوم بشخصية قوية وثقة بالنفس عالية تقوم بخطوات جدا مهمة وعم تكون جريء ومارح تهتم للانتقاد الموجه إلك من بعض الأطراف بسبب ثقتك بنفسك ومارح تضيع هدفك وبوصلتك واتجاهك نحو مسار واحد وهو تحقيق حلمك والوصول لمكانة مرموقة بشغلك .
ماليا :
معاملات مالية رح تكون بنهايتها ورح تحصل على مبلغ من المال من عمل ابداعي او تجاري
عاطفيا :
علاقتك مع الشريك كتير حلوة وفيها انسجام وتناغم لا تخلي حدا يعكر صفو حياتك و يدخل بينك وبين الشريك وحاول تكون على تواصل دائم معه
نصيحة اليوم :
الفرص كبيرة ممكن اذا استغليتها بشكل صحيح
| طاقة المال | طاقة الحب | طاقة العمل | طاقة المزاج |
| 87% | 85% | 90% | 88% |
برج العذراء يوم الاحد 10 يناير / كانون الثاني 2021
على الصعيد الشخصي و المهني :
انت تواظب على عملك بشكل مستمر ومانك عم تهدر وقتك عم تكون سريع بخطواتك ومابتحب تأجيل عمل اليوم لبكرى وهالشي هوي الي عم يميزك عن غيرك وعم يخليك تحقق نتائج جيدة خلال فترة قصيرة . مطلوب منك اليوم تهتم بوضعك الصحي شوي وماتضغط على حالك وتستشير طبيبك في حال شعرت بالتعب الجسدي
ماليا :
تحسن جيد بالوضع المالي وممكن يوصلك مبلغ من المال بشكل مفاجىء وغير متوقع. وبنفس الوقت لاتكون مبذر وتهدر كل مالك على شراء أشياء جانبية
عاطفيا :
تحظى باهتمام الشريك ومحبته وهالشي عم يأجج مشاعرك ويشعرك بالإنجذاب نحوه . العلاقة جيدة وعم يطغى عليها الحب والرومنسية
نصيحة اليوم:
خليك دبلوماسي بالتعامل مع الآخرين حولك
| طاقة المال | طاقة الحب | طاقة العمل | طاقة المزاج |
| 65% | 68% | 72% | 74% |
برج الميزان يوم الاحد 10 يناير / كانون الثاني 2021
على الصعيد الشخصي والمهني :
عم يكون عندك مجالات كتير واسعة بشغلك وعم تبذل مجهود مضاعف وتشتغل لساعات متواصلة وهالشي ممكن يأثر على أعصابك وتنفعل بسرعة. عم تحاول تنتهز الفرص المناسبة وتستغل الظروف لكنك عم ترهق جهازك العصبي وعم تشعر بالتوتر بنهاية اليوم
ماليا :
تقوم بتجديد بعض الأدوات وصرف مبالغ مالية من أجل تحسين نوعية الآداء وتترقب الحصول على مبالغ مالية وأرباح
عاطفيا :
انفعالك وتوترك ممكن يأثر على علاقتك مع الشريك وبدل ماتساعده ممكن تعمله مشاكل وتعرقل مسيرته حاول تهدي أعصابك ولاتضيع منيحك واهتمامك فيه بلحظة تهور
نصيحة اليوم:
ما تدخل بأمور ممكن تضيع قسم كبير من وقتك بلا فائدة
| طاقة المال | طاقة الحب | طاقة العمل | طاقة المزاج |
| 70% | 55% | 77% | 78% |
برج العقرب يوم الاحد 10 يناير / كانون الثاني 2021
على الصعيد الشخصي و المهني :
تحولات كتير مهمة بمجال عملك وفرص عمل جديدة ممكن تنعرض عليك لاتخلي الفرصة تضيع وانت بعدك عم تحتار لتاخد القرار وباشر بالخطوات الرئيسية واستغل الوقت قبل فوات الأوان . علاقتك مع المحيطين جيدة وتستمع لنصائح من هم اكبر منك سنا ومعرفة
ماليا :
مصروفك أكبر من مدخولك وهالشي عم يخليك توقع بعجز مالي وتضطر لاستلاف مبلغ من المال من احد المقربين. لهيك عليك بذل جهد مضاعف لتحسن من مردودك المالي
عاطفيا :
عم تشعر بإن الشريك بعيد عنك ومانو عم يهتم فيك وهالشي عم يزعجك ويدايقك حاول تتقرب منه وتقدم له المساعدة او تشاركه بعمل عم يقوم فيه لتفهم وجهة نظره ويصير في انسجام بينكما
نصيحة اليوم:
خليك حكيم و ما تستعجل بقراراتك
| طاقة المال | طاقة الحب | طاقة العمل | طاقة المزاج |
| 58% | 69% | 74% | 80% |
برج القوس يوم الاحد 10 يناير / كانون الثاني 2021
على الصعيد الشخصي و المهني :
رغم كل الضغوط اللي عم تمر فيها بشغلك والمواعيد والإلتزاماتك إلا إنك عم تحافظ على حيوتك وعم تكون متفاعل مع الزملاء والرفقاء وعم تتواصل معهم بشكل مباشر او عبر الهاتف. تضع كل امكانياتك الذهنية والفكرية لتحقيق تقدم نوعي بمجال عملك وتحقق مكانة مميزة عن زملائك
ماليا :
تطورات جيدة بمجال العمل عم تزيد من مردودك المالي وعم تحقق ربح كبير وممكن توصلك حوالة مالية خلال هاليومين
عاطفيا :
اهتمامك بمن تحب عم يزيد التقارب والتعاطف بينكما عم يتعاون معك الشريك ويقدملك الدعم والعلاقة عم تزيد متانة وقوة وهالشي عم ينعكس على استقرار حياتك وبيتك
نصيحة اليوم:
انتبه على صحتك و ما تسهر لأوقات متأخرة من الليل
| طاقة المال | طاقة الحب | طاقة العمل | طاقة المزاج |
| 80% | 76% | 87% | 85% |
برج الجدي يوم الاحد 10 يناير / كانون الثاني 2021
على الصعيد الشخصي و المهني :
عم تبدع بمجال العمل وعم تحب إختصاصك وهالشي عم يكون سر نجاحك عم تشتعل وتتعب على حالك وممكن تستنفذ كل طاقتك المهم إنك تثبت قدراتك وتحقق غايتك وهالشي رح يشعرك بالسعادة ويكون مكافئة كبيرة الك . ممكن تبتعد عن العلاقات الاجتماعية وتلتزم بمجال عملك فقط
ماليا :
تحقق ربح مالي من عملية بيع اوشراء لعقار او سيارة ويتحسن وضعك بشكل جيد وتبدو اكثر راحة واستقرا مالي
عاطفيا :
لاتتجاهل الشريك فهو عم يحاول يساعدك ويوقف حدك على قدر استطاعته وخليك مرن بتعاملك معه عم يستوعبك بردات فعلك فحاول إنك تعوضه بالمقابل وتشعره باهتمامك فيه ومحبتك له
نصيحة اليوم:
توقع خير في كل شيء فكل متوقع آت
| طاقة المال | طاقة الحب | طاقة العمل | طاقة المزاج |
| 88% | 67% | 78% | 75% |
برج الدلو يوم الاحد 10 يناير / كانون الثاني 2021
على الصعيد الشخصي و المهني :
تتعرض اليوم لإستغلال قدراتك ومهارتك من قبل بعض الأشخاص حاول تهتم بمصلحتك بالدرجة الأولى وماتهدر وقتك وطاقتك بأمور جانبية . تباشر بعمل مهم وتقوم بوضع الخطوات الرئيسة لهيك انت اليوم بتحتاج للتركيز الكبير على شغلك وأعمالك . اتصالات مهمة ولقاءات مفيدة بفترة الظهر عم تكون إلها نتائج إيجابية
ماليا :
تدخر مبلغ من المال للدخول بعمل استثماري او بداية لمشروع يتطلب منك رأسمال جيد لاتفرط بمالك بمصاريف جانبية
عاطفيا :
.تشعر بالاستقرار بحياتك العاطفية وفي هدوء بالآجواء بينك وبين الشريك ممكن تكون رومنسي وتعبر عن مشاعرك وتجذبه نحوك بكلام حلو حافظ على أسلوبك وعيش لحظات حلوة معه
نصيحة اليوم:
التعاطي بإيجابية مع أي أمر بيحدث معك بساعدك على تجاوزه
| طاقة المال | طاقة الحب | طاقة العمل | طاقة المزاج |
| 69% | 70% | 76% | 79% |
برج الحوت يوم الاحد 10 يناير / كانون الثاني 2021
على الصعيد الشخصي و المهني :
انت اليوم متوتر وفي مواضيع شاغلي بالك بالعمل مانك عم تعرف من وين بدك تبدأ بنصحك تروء وتهدي أعصابك لتعرف كيف بدك تفكر وتبلش صح وتتجنب الوقوع بأخطاء انت بغنى عنها . أحد الأصدقاء قربب منك وعم يعطيك حلول لبعض العراقيل الي ممكن تواجهها
ماليا :
وضعك اليوم مانو مستقر ومبلغ من المال عم تصرفه وبشكل عشوائي وهالشي عم يخليك تعيد ترتيب أولويات المشتريات لديك
عاطفيا :
عليك ان تكون واضح وصريح وتفتح صفحة جديدة مع الشريك وتتناقش معه بأموركم الشخصية لاتخلي الغموض يسيطر على علاقتكما حتى تحافظ على استقرار العلاقة بينك وبينه
نصيحة اليوم:
نظم وقتك حتى تقدر تكفي عملك بدون تأخير
| طاقة المال | طاقة الحب | طاقة العمل | طاقة المزاج |
| 60% | 59% | 76% | 75% |