عم نتأثر بطاقة الهواء الي عم يعطينا القمر في برج الجوزاء المزاجية وتقلب وحب الذات وعم ننخدع بأشخاص كنا مفكرينهم مناح .. حاول لا تغامر بعلاقاتك العاطفية وبلاخص الاسد والدلو وانتبه يابرج القوس والجوزاء من انهاء علاقات الحظ عم يوقف معك يا حمل بلحظة الاخيرة وعم يكون داعم للميزان ، السرطان والجدي هدي شوي بيومك وبدك تركيز عالي ، والحوت والعذراء روق عائلياً ومشاغل عقارية وظيفية ، والثور والعقرب بحاجة للمال وشاغلو المال كتير بهاليوم وبيستفاد مالياً ..
انت مختلف على عدة اصعدة وجود القمر في بيت مميز عم نسمع اخبار حلوة وطاقة وتغيرات ايجابية واتصال او لقاء مهم وبداية لشيء جديد لكن البعض عم يهتم بامور صحة او عملية او تجميل ويمكن تحصل على اوراق مهمة او اذا مفكر بقرض او سلفة او اي مبلغ قريبا .. طاقتك 78%
يوم مالي عم يكون في مسؤوليات مالية ومصاريف طارئة وبدء بمعاملات وتسديد نفقات وديون وممكن في خبر مالي هاليوم جيد الك وعندك رومنسية عاطفية لكن انتبه في خمول ونوم زيادة وشراها بطعام .. طاقتك 67%
يوم في تغيرات ايجابية عم تزيد طاقة وثقة وتركيز مع دعم القمر والشمس لبرجك وبدء علاقات جديدة وشراكات جديدة وخبر عاطفي مهم لكن بعض المتزوجين العلاقات مهددة .. بشكل عام يوم للعمل بالبيت وبرا البيت وعلاقات اجتماعية وسمعة والاشخاص المهمة .. وطاقتك 69%
مضغوط على كافة الاصعدة وعندك التزامات شغل وحاول تكون دقيق بامورك وتخلص التزاماتك واجباتك واي مهمة عم تتكلف فيا ويمكن في شغل جديد والبعض عم تشغلو امور حكومية او مشفى او طبيب وعم يعمل حمية واهتمام صحي ومصاريف مالية بيومك .. طاقتك 51%
يوم في عزائم ومشوار حلو وعم تزور مكان جديد وفي اكل طيب وعم تتمتع بعلاقات واصدقاء جديدة واشخاص عم تتواصل معك وناطر شي مهم هالفترة وحتى العاطفة عم تتطور عندك وعلاقات عم تكبر وحاول ماكتير تطرق للمواضيع او العلاقات القديمة وفي مال بيومك ..طاقتك 80%
بعدا امور شغل والبيت والعيلة عم تشغلك وعم تحس حالك مقيد وماعم تعرف مين بدك ترضي لترضي وحتى علاقات كتيرة بس بتحس حالك عم يكونو بوقت غلط لازم تكون صريح وتنتبه من بعض زملاء وفي سهرة وسمعة والبعض قصة حدا بالعيلة او شخص مسن وتواصل مع شخص مهم لازم تكون صبور هاليومين .. وطاقتك 61%
اليوم انت طاقتك كتير قوية وداعمة الك وعم يجيك اتصالات كتيرة وعم تعمل تنقلات واوراق ويمكن في مشوار حلو او سفر وقصة موبايل او سيارة واخبار ايجابية بس لازم تنتبه على صحة او عملية او شي تجميلي وعم يكون في امور ادارية وتعامل مع المؤسسات بالمجمل يوم حلو عليك وعلم جديد للبعض وشي بخص الاصدقاء.. طاقتك 84%
يوم عم تدخل في الامور المالية عم يكون عندك عزائم ولقاءات واجواء حلوة وعم تستفيد من دعم القمر اليوم الي عم يكون في بيت المال وممكن تدفع لكن في قبض وفي مبلغ ونفسيتك افضل وشراهة ع طعام ويمكن يوصلك شي مادي او معنوية او هدية .. وطاقتك 70%
يوم عم يكون في احداث كتيرة على صعيد الشراكات بأنواعها العاطفية والمهنية والمالية وعم تستفيد من دعم شخص الك وعم تبلش علاقة جديدة او ارتباط جديد والبعض عم يفكر بخطبة او زواج قريباً بس البعض يمكن ينهي شراكة متعبة.. وطاقتك 54%
يوم مانك مرتاح في بتحس ضغط دني كلا عليك ولا عم تعرف تركز ولا من وين بدك تبلش ودايقة اخلاقك ومابتقعد بمكان الا وبدك تقوم فوراً حتى ماعم تتحمل ناس الحواليك وبلاخص عم يكون في تأجيل لقصة عم تعبك لكن البعض عم يكون في شغل جديد وعقود وامور حكومي او عم يثبت شي بالمجمل اليوم مضغوط بالبيت وزيارات كتيرة .. طاقتك 43%
يوم عم يكون اغلبه بالعلاقات والاشخاص لجديدة وعم تتواصل بشكل كبيرة مع رفقاتك وناطر شي مهم وعم ضيع بين علاقات عاطفية جديدة عم تتطور وقديمة عم تعود ع الواجهة وسرية عند البعض وانتبه من حساسية جلدية وقصص اطفال بتشغل لكتار .. طاقتك 59%
يوم مضغوط في بالبيت وبشغلك وقصص عائلية مدري من وين بتطلعلك وقصة اب او اخ بتشغلك وشي عقاري او نقل مكان وعم تحكي بقصة عائلية مهمة وتصليحات وتغيير مكان الاقامة وزيارات للاخوة ويمكن البعض يسافر او تحصل على مال .. وطاقتك 55%